1878an, jabea zen Juan Fermin Ostolaza Legarra apaizak eraikina Parrokiari eman zion eta XX. mendean zehar Parrokiako serora eta sakristaua bizi izan ziren hemen. Inguruko baserrietatik zetorren jendea etxe honetan aldatzen omen zituen oinetakoak igandeko mezetara sartu aurretik.

Oin ia karratuko eraikin honen ezaugarri arkitektoniko aipagarrienak: eskantzuak, platabandak eta harlanduzko lanez osaturiko markoak aurkezten dituzten harri-horma luzituak, edota teilatu-hegaleko harburu landuak, besteak beste.